A cambia i têmp

A CAMBIA I TÊMP

I’ êra ancúra un ragasèt

e a me zîva mi’ nunûn:

“Se t’ vö fâr quercôša d’ bûn

tînt’ a mênt d’armàgnre s-cèt!”.

E me i’ gh’ dêva sêmpr’ a mênt

sia pr’afèt che sudisiûn,

e i’ho tgnû sèmper presênt

túti ‘l sö disquišisiûn.

I’ m’ cherdîva che la rašûn

a gh’ l’aìsa sêmper lû,

ma, pertròp, i’ m’ sûn archerdû!

Perché adès la gênta unèsta,

ch’ la fa d’ tút pr’armàger bùna,

ch’ la s’ guadàgna cul ch’a gh’ bšùgna,

ch’ la s’arpôša úst a la fèsta,

i’ n’ la ciàmne pu’ cun i nòm

ch’ s’adruvêva da chì indrê,

cme srê: “Unèst” e “Galantòm”,

a n’ s’ völ bên gnân pu’ i fradê!

E se ûn l’é brâv e bûn

sêt co’ i’ dîši? Ch’l’é un cujûn!

* * *

CAMBIANO I TEMPI - Montefano, 1966 – Sassuolo 2009

Ero ancora un ragazzino e mio nonno mi diceva: “Se vuoi combinare qualcosa di buono ricordati di rimanere sincero!”, e io gli davo sempre retta sia per amore che per sudditanza, ed ho tenuto sempre presenti tutte le sue disquisizioni, ritenevo che la ragione l’avesse sempre lui, ma, purtroppo, ho dovuto ricredermi! Perché oggigiorno la gente onesta che s’impegna per restare buona, che si guadagna ciò di cui ha bisogno, che si riposa solo alla festa, non la chiamano più coi nomi che si usavano in passato, quali: “Onesto”, Galantuomo”, neppure i fratelli si amano più! E se uno è bravo e buono sai cosa gli dicono? Che è un minchione!